UNINOVA

InnovatiaEdificio Emprendia

INICIO QUIENES SOMOS SERVICIOS DOCUMENTOS TIENES UNA IDEA?
 


 
GALEGO
ESPANOL
 
 
eventos


11/09/2017 - 31/12/2018  PROGRAMA ARGOS EDICIÓN 2017

 
noticias
  25/09/2017 CONVOCATORIA CONTRATACIÓN TEMPORAL: LISTA DEFINITIVA DE ADMITIDOS | ler máis...
  18/09/2017 CONVOCATORIA CONTRATACIÓN TEMPORAL: LISTA PROVISIONAL DE ADMITIDOS | ler máis...
 
   
 
Erasmus Jovenes

RedEmprendia
 
Red Incuba.
 
eventos
noticias
contacto
quienes somos
servicios
documentos
idea
 
eventos
 


Entrega dos premios da IX Edición do Concurso de Proxectos Empresariais Innovadores da USC

A Universidade de Santiago de Compostela, a través do Programa Uniemprende, entregou os premios da última edición do seu Concurso de Proxectos Empresariais Innovadores nun acto presidido polo Reitor. Nesta edición, a novena, se presentaron 45 iniciativas empresariais das tres universidades galegas.

Photo

(09/06/2009)  AMSLAB, laboratorio de análises químicos para o desenvolvemento de servizos que requiran alta tecnoloxía e alto nivel científico, fíxose co primeiro premio da categoría Base Tecnológica do IX Concurso de Proxectos Empresariais Innovadores da USC. O laboratorio, que tamén presta servizos de consultaría e asesoría técnica para proxectos de I+D, baséase na técnica HPLC-MSMS (cromatografía líquida de alta eficacia acoplada a espectometría de masas-masas). Este proxecto recibiu 9.000 euros e pode optar a outros 24.000 de financiamento mediante préstamo participativo.

A empresa achegará solucións a distintos sectores como o farmaceútico (solucións integrais nos puntos de desenvolvemento dos fármacos); industria alimentaria (solucións cara aos residuos de medicamentos e contaminantes); o medioambiente (facilitando a detección, identificación e confirmación de contaminantes; e saúde (aplicando a tecnoloxía HPLC-MSMS de alta gama ofrecerá solucións a hospitais).

AMSlab recibiu o seu galardón nun acto celebrado no Colexio de San Xerome e no que os outros premiados foron Nanoimmunotech, co segundo premio de base tecnolóxica; Minichic, premio Empresa Xove; Peloides Termales, na modalidade de Muller Emprendedora; Enerxía e Cooperación, premio ao mellor Proxecto Medioambiental; e Holística, Consultora para a Lusofonía, na categoría de Proxecto con Sensibilidade Social.

A entrega de premios contou coa asistencia do reitor da USC, Senén Barro, que estivo acompañado do vicerreitor de Comunidade Universitaria e Compromiso Social, Xosé M. Mayán Santos; o director xeral de Promoción do Emprego, Andrés Hermida Trastoy; o subdirector xeral de Xestión do PGIDIT, Benito Fernández Rodríguez; e o xerente de Uninova, Gustavo Marcos.

O segundo premio, cunha contía de 5.000 euros, recaeu na empresa NIT NANOIMMUNOTECH coa súa orixe na Universidade de Vigo. A idea de negocio é prestar servizos de funcionalización, caracterización e validación de nanopartículas previamente ao seu uso e aplicación en organismos vivos. O equipo promotor xa está traballando nestas tarefas, desenvolvendo durante 2008 un total de 33 nanopartículas para empresas e institutos de investigación.

Ademais de que neste eido existe un baixo número de competidores no ámbito español, o grao de innovación da proposta está demostrada tamén pola posesión de varias patentes sobre boa parte dos procesos e análises que levan a cabo.

Galardoado co Premio á Empresa Xove, cunha dotación de 2.000 euros, MINICHIC é un proxecto dedicado á creación e deseño de espazos infantís. As súas áreas de traballo abranguen a creación, remodelación ou adecuación de ambientes de uso infantil; a creación de mobiliario e obxectos relacionados cos espazos para os máis pequenos; e a posta en marcha dunha galería en liña de arte contemporánea para nenos.

Spin off do Departamento de Física Aplicada da Universidade de Vigo, PELOIDES TERMALES é unha consultora enfocada ao sector termal en temas de produción, emprego e desenvolvemento de peloides (lodos termais) con propiedades á medida, tanto para aplicacións terapéuticas como cosméticas. Estes lodos teñen accións analxésica e antiinflamatoria polo que son obxecto dun crecente interese científico. A iniciativa foi merecedora do premio á Muller Emprendedora, dotado con 2.000 euros.

O premio Proxecto Medioambiental foi para ENERXÍA E COOPERACIÓN, consultora dedicada á xestión integral de proxectos de cooperación co terceiro mundo, centrándose particularmente no ámbito das enerxías renovables.

A consultora ofrecerá servizos de xestión de proxectos ‘chave en man’, xa que ademais de propoñer ás administracións públicas proxectos de cooperación, os promotores xestionan e teñen os coñecementos técnicos para elaborar o estudo, deseño de instalación, adquisición e envío de material, implementación e posta a punto de instalacións solares (fotovoltáicas e térmicas), eólicas, de biomasa e secundarias para cubrir outras necesidades. Este premio está dotado con 2.000 euros.

Pechando o conxunto de galardóns outorgados, na modalidade de Proxecto con Sensibilidade Social os seus 2.000 euros recaeron en HOLÍSTICA, Consultora para a Lusofonía. Spin off da área de Humanidades, Holística dedicarase ao planeamento cultural e turístico relacionado co mundo lusófono. O concepto de negocio supón que o ámbito xeográfico de actuación estenderase dende España ata Portugal, Brasil, Angola, Cabo Verde, Guinea Bissau, Mozambique, Sao Tome e Príncipe.

Photo
Photo


 
TITULARES
 
PAIT
empresas incubadas
 
Relación de empresas incubadas e domiciliadas con UNINOVA.

ICON
ICON
ICON
ICON
ICON
ICON
ICON
ICON
ICON
ICON
ICON
ICON
ICON
---
 
(c) 2005 UNINOVA, Sociedade para a Promoción de Iniciativas Empresariais Innovadoras, S.L.  | Texto legal
AENOR